នៅថ្ងៃពុធ ទី២៥ ខែតុលា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ បានអញ្ជើញចុះទៅឃុំត្រពាំងប្រាសាទ ស្រុកត្រពាំងប្រាសាទ ខេត្តឧតនតរមានជ័យ ជួបជាមួយលោកមេឃុំ អនុឃុំ ត្រពាំងប្រាសាទ លោកអភិបាលរងស្រុក និងប្រធានភូមិបាលស្រុក ដើម្បីពិនិត្យការងារមួយចំនួនដែលត្រូវបន្តធ្វើបន្ទាន់ ៖ ១-កាងារពង្រឹងសន្តិសុខ សុវត្តិភាពភូមិ-ឃុំ ២-ការងារចុះឈ្មោះក្នុងបញ្ជីបោះឆ្នោតប្រចាំឆ្នាំរបស់គ ជ ប និង៣-ការងាររៀបចំគណៈកម្មការ ចុះពិនិត្យភូមិឧបសម្ព័ន្ធ ដែលមិនទាន់មានសេចក្តីសម្រេចពីក្រសួងមហាផ្ទៃ និងរៀបចំបំបែកភូមិ ដែលមានប្រជាជនច្រើន នៅក្នុងឃុំត្រពាំងប្រាសាទ ដើម្បីភាពងាយស្រួលក្នុងការគ្រប់គ្រង និងរៀបចំអភិវឌ្ឍន៍ហេដ្ឋារចនាសម្ព័ន្ធ លើកស្ទួយជីវិភាពប្រជាពលរដ្ឋ បានដល់មូលដ្ឋានដាច់ស្រយាល។ ក្នុងឧកាសនោះ ឯកឧត្តម បានថ្លែងកោតសរសើរ ក្នុងការដឹកនាំរបស់លោកមេឃុំ កន្លងមក និងសុំឱ្យខិតខំបន្តទៀត ពិសេសការរៀបចំឯកសារភូមិឧបសម្ពន្ធ និងការងារបំបែកភូមិនេះ ឱ្យបានលឿន ដើម្បីបញ្ជូនទៅថ្នាក់លើឱ្យបានទាន់ពេលវេលា។