នៅថ្ងៃសុក្រ ទី៣ ខែវិច្ឆិកា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ បានអញ្ជើញចូលរួមបុណ្យកឋិនសាមគ្គី នៅវត្តខេមរាសាមគ្គីមុនីរស្សី ហៅវត្តខេមរាស្ថិនៅភូមិប្រយុទ្ធ ឃុំពួក ស្រុកពួក ខេត្តសៀមរាប ដែលជាបុណ្យតាមប្រពៃណីរបស់ព្រះពុទ្ធសាសនា តាមពុទ្ធានុញ្ញាត្ត និងមួយផ្នែកដើម្បីគៀងគរប្រមូលបច្ច័យយកទៅសាងសង់សាលាធម៌ ដែលកំពុងដំណើរការបានប្រមាណ៥០% ហើយនោះ ឱ្យបានឆាប់រួចទុកបំរើការក្នុងព្រះពុទ្ធសាសនា ក្នុងទីអារាមនេះតទៅ។ ឯកឧត្តម បានចូលចាប់មគ្គផលក្នុងពិធីបុណ្យនេះមានត្រៃយ៍ ទឹកសុទ្ធ ៥កេះ មី ៥កេះ ទឹកផ្លែឈើ ២កេះ និងថវិកា មួយចំនួនផងដែរ។
