ក្រុមសមាជិកព្រឹទ្ធសភា បានជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាតាំងក្រសាំង ស្ថិតក្នុងឃុំតាំងក្រសាំង ស្រុកទឹកផុស ខេត្តកំពង់ឆ្នាំង
ព្រឹកថ្ងៃសៅរ៍ ទី៣0 ខែវិច្ឆិកា ឆ្នាំ ២០២៤ ក្រុមសមាជិកព្រឹទ្ធសភានិងអ្នកតំណាងរាស្ត្រមណ្ឌលខេត្តកំពង់ឆ្នាំង មាន ឯកឧត្តម អ៊ឹង លាងហ៊ួ ឯកឧត្តម សាយ បូរិនសមាជិកព្រឹទ្ធសភាភូមិភាគទី៧ លោកជំទាវ កែ ច័ន្ទមុនី លោកជំទាវ កុបម៉ារីយ៉ាស ឯកឧត្តម ឡុង ឈុនឡៃ ឯកឧត្តម ហ៊ី វីរ: អ្នកតំណាងរាស្ត្រមណ្ឌលខេត្តកំពង់ឆ្នាំង បានជួបសំណេះសំណាលជាមួយលោកគ្រូ អ្នកគ្រូ និងសិស្សានុសិស្សនៅសាលាបឋមសិក្សាតាំងក្រសាំង ស្ថិតក្នុងឃុំតាំងក្រសាំង ស្រុកទឹកផុស ខេត្តកំពង់ឆ្នាំង នឹងនាំយកនូវថវិកាជួយសាងសង់របងសាលាចំនួន 6 ប្រឡោះ គិតជាទឹកប្រាក់ ៥ ១០០ ០០០ រៀល និងចែកជូនវត្ថុអនុស្សាវរីយ៍ដល់លោកគ្រូ អ្នកគ្រូ២៤នាក់ ដោយម្នាក់ៗទទួលបាន ដបទឹក១ ក្រមា១ ថវិកា២០ ០០០ រៀល សិស្ស ៤០២ នាក់ ម្នាក់ៗ ទទួលបានសៀវភៅសរសេរ ២ក្បាល ប៊ិច ១ដើម ខ្មៅដៃ ១ដើម បន្ទាត់ ១ដើម ហ្វឺត ១ដើម ក្ដារឆ្នួន១ ជ័រលុប១ សឺមីឡេវ ១ ។ សម្រាប់សាលាមានបាល់៤ និងកូនបាល់ ១ស្បោង។
