ឯកឧត្ដម ឈើយ ចាន់ណា ជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីពិសាអាហារសាមគ្គីរបស់ក្រុមការងាររៀបចំសង្រ្កាន្ត ស.ស.យ.ក
នាល្ងាចថ្ងៃអាទិត្យ ទី២៧ ខែមេសា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីពិសាអាហារសាមគ្គីរបស់ក្រុមការងាររៀបចំសង្រ្កាន្ត ស.ស.យ.ក ខេត្ត បន្ទាយមានជ័យ។ ក្នុងកម្មវិធីនេះមានការអញ្ជើញពី ឯកឧត្ដម លោកជំទាវ អ្នកតំណាងរាស្រ្តមណ្ឌលខេត្តបន្ទាយមានជ័យ ប្រធានក្រុមប្រឹក្សាខេត្ត អភិបាលរងខេត្ត សប្បុរសជន និងក្រុមការងារ ស.ស.យ.ក។ ក្នុងឱកាសនេះ ឯកឧត្តម កែ សួនសុភាព អភិបាលរងខេត្ត និងជាប្រធាន ស.ស.យ.ក ខេត្តបន្ទាយមានជ័យ បានឡើងថ្លែងអំណរគុណចំពោះក្រុមការងាររៀបចំ ” សង្រ្កាន្ត ស.ស.យ.ក បន្ទាយមានជ័យឆ្នាំ២០២៥ ” កាលពីថ្ងៃទី១០ ដល់ ១២ ខែមេសា ឆ្នាំ២០២៥ និងថ្លែងអំណរគុណដល់ ឯកឧត្ដម លោកជំទាវ ឧកញ៉ា ភ្ញៀវកិត្តិយស សប្បុរសជន ថ្នាក់ដឹកនាំ និងមន្ទីរអង្គភាពពាក់ព័ន្ធទាំងអស់ដែលបានជួយសម្របសម្រួល លះបង់ទាំងកម្លាំង កាយចិត្ត ពេលវេលា និងថវិកា ឧបត្ថម្ភ គាំទ្រក្នុងកម្មវិធីសង្រ្កាន្ត ស.ស.យ.ក ខេត្តបន្ទាយមានជ័យ ឆ្នាំ ២០២៥ ដែលបានប្រព្រឹត្តទៅនៅវិទ្យាល័យមង្គលបូរី ស្រុកមង្គលបូរី ខេត្តបន្ទាយមានជ័យ។
