នារសៀលថ្ងៃទី៥ ខែមេសា ឆ្នាំ២០២៥ នៅស្ថានទូតឡាវ ឯកឧត្តមបណ្ឌិត ធន់ វឌ្ឍនា ប្រធានស្តីទីព្រឹទ្ធសភា បានអញ្ជើញដឹកនាំគណៈប្រតិភូព្រឹទ្ធសភា គោរពវិញ្ញាណក្ខន្ធ ឯកឧត្តមនាយឧត្តមសេនីយ៍ ខាំតៃ ស៊ីផាន់ដន អតីតប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ ដែលត្រូវជាឪពុកបង្កើតរបស់ឯកឧត្តម សនសៃ ស៊ីផាន់ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ ដែលបានទទួលអនិច្ចកម្មនៅព្រឹកថ្ងៃទី២ ខែមេសា ឆ្នាំ២០២៥ នៅទីក្រុងវៀងចន្ទន៍ នៃសាធារណរដ្ឋប្រជាធិប តេយ្យប្រជាមានិតឡាវ។ ក្នុងនាមព្រឹទ្ធសភា នៃព្រះរាជាណាចក្រកម្ពុជា ក្នុងនាមថ្នាក់ដឹកនាំ និងមន្ត្រីរាជការនៃអគ្គលេខាធិការដ្ឋានព្រឹទ្ធសភា និង ឯកឧត្តមបណ្ឌិតផ្ទាល់ សូមចូលរួមរំលែកទុក្ខដោយមនោសញ្ចេតនាក្តុកក្តួលក្រៀមក្រំជាទីបំផុតជាមួយគ្រួសារសពក៏ដូចជារដ្ឋសភា រដ្ឋាភិបាល និងប្រជាជននៃសាធារណរដ្ឋប្រជាធិបតេយ្យ ប្រជាមានិតឡាវ គឺជាការបាត់បង់រដ្ឋបុរសដ៏ឆ្នើមមួយរូប ដែលបានធ្វើពលិកម្មពេញមួយជីវិត ដើម្បីបម្រើជាតិនិងប្រជាជនឡាវ។ ឯកឧត្តម នាយឧត្តម សេនីយ៍ ជាថ្នាក់ដឹកនាំដ៏មានសមត្ថភាព និងជាមិត្តដ៏ល្អរបស់កម្ពុជា ដោយបានរួមចំណែកយ៉ាង សំខាន់ក្នុងការលើកកម្ពស់ទំនាក់ទំនងកិច្ចសហប្រតិបត្តិការ និងរឹតចំណងមិត្តភាពរវាងរដ្ឋាភិបាលនឹង ប្រជាជន នៃប្រទេសទាំងពីរ…។
ប្រភព៖ នាយកដ្ឋានព័ត៌មាន
