ឯកឧត្តម យស ផានីត្តា ប្រធានគណៈកម្មការទី២ព្រឹទ្ធសភា និងជាប្រធានអនុគណៈកម្មការ បណ្តាញសមាជិកសភាប្រយុទ្ធប្រឆាំងនឹងជំងឺរាតត្បាតសកល នៃក្រុមសភាជាតិកម្ពុជា (APF) បានអញ្ជើញដឹកនាំអនុប្រធាន និងសមាជិក សមាជិកា នៃអនុគណៈកម្មការបណ្តាញ ចូលរួមកិច្ចប្រជុំអនុគណៈកម្មការបណ្តាញសមាជិកសភាប្រយុទ្ធ ប្រឆាំងនឹងជំងឺរាតត្បាតសកលនៃ(APF )ក្រោមអធិបតីភាពលោក Laurent WEHRLI សមាជិកតំណាងរាស្ត្រស្វីស និងជាប្រធានបណ្តាញសមាជិកសភាប្រយុទ្ធប្រឆាំងនឹងជំងឺរាតត្បាតសកលនៃ(APF) ដោយផ្សាយចេញពីទីក្រុងប៉ារីស ប្រទេសបារាំង តាមប្រព័ន្ធនិម្មិត (Visioconférence)។

កិច្ចប្រជុំនេះប្រព្រឹត្តទៅនាយប់ថ្ងៃទី២៥ ខែមេសា ឆ្នាំ២០២៥ វេលាម៉ោង១៧:០០នាទី ដល់ម៉ោង២១:០០នាទី ម៉ោងនៅរាជធានីភ្នំពេញ នៅសាលប្រជុំពិសេស៣ វិមានព្រឹទ្ធសភា ដោយមានការអញ្ជើញចូលរួមប្រជុំនាពេលនេះ ពីសមាសភាពអនុគណៈកម្មការបណ្តាញសមាជិកសភាប្រយុទ្ធប្រឆាំងនឹងជំងឺរាតត្បាតសកល នៃក្រុមសភាជាតិកម្ពុជា (APF) រួមមាន៖ឯកឧត្តម អង្គ វង្ស វឌ្ឍានា អនុប្រធាន លោកជំទាវ ថាក់ ឡានី សមាជិកា ឯកឧត្តមសាស្ត្រាចារ្យ ម៉ម ប៊ុនហេង និងឯកឧត្តម ឈួន ឡេង សមាជិក…។
ប្រភព៖ នាយកដ្ឋានព័ត៌មាន