នាព្រឹកថ្ងៃទី២៩ ខែកក្កដា ឆ្នាំ២០២៥ លោកជំទាវបណ្ឌិត ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌នៃព្រឹទ្ធសភា(គណៈកម្មការទី៦) បានអញ្ជើញចូលរួមកិច្ចប្រជុំស្តីពី «ការគោរពធម្មនុញ្ញអង្គការសហប្រជាជាតិ និងច្បាប់អន្តរជាតិ ដើម្បីធានាសន្តិភាព និងសន្តិសុខអន្តរជាតិ (Upholding the UN Charter and International Law to Ensure International Peace and Security)» ដែលបានប្រព្រឹត្តទៅនៅទីស្នាក់ការអង្គការសហប្រជាជាតិ (UN) ទីក្រុងហ្សឺណែវ ប្រទេសស្វីស។

ឆ្លៀតនៅក្នុងឱកាសនោះដែរ លោកជំទាវបណ្ឌិត បានជួបសំណេះសំណាល ជាមួយឯកឧត្តមប្រធានសភាម៉ាឡេសុី និងបានសម្តែងនូវអំណរគុណដល់នាយករដ្ឋមន្រ្តីនៃប្រទេសម៉ាឡេស៊ី ដែលបានជួយសម្របសម្រួល រហូតដល់មានកិច្ចព្រមព្រៀងលើបទឈប់បាញ់។

ប្រភព៖ ការិយាល័យ​ជំនួយ​ការ​គណៈកម្មការ​ទី៦ព្រឹទ្ធសភា