នាថ្ងៃទី៣០ ខែកក្កដា ឆ្នាំ២០២៥ លោកជំទាវបណ្ឌិត ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌នៃព្រឹទ្ធសភា បានថ្លែងបទអន្តរាគមន៍ក្នុងសន្និសីទពិភពលោក នៃប្រធានសភា លើកទី៦ នៃកិច្ចពិភាក្សាស្តីពី “ការការពារ និងលើកកម្ពស់សិទ្ធិរបស់ជនស្ថិតក្នុងភាពងាយរងគ្រោះ ៖ ជំហានឆ្ពោះទៅរកសកម្មភាពគ្មានការរើសអើង”។

ក្នុងឱកាសនោះផងដែរ លោកជំទាវបណ្ឌិត បានរំលេចអំពី៖

• គោលនយោបាយរបស់រាជរដ្ឋាភិបាលក្នុងការលើកស្ទួយសិទ្ធិបុគ្គលគ្រប់រូប រួមទាំងសិទ្ធិរបស់ជនដែលស្ថិតនៅក្នុងស្ថានភាពងាយរងគ្រោះ
• ច្បាប់ជាតិ ជាពិសេសរដ្ឋធម្មនុញ្ញ ដែលបានធានាសិទ្ធិស្មើគ្នាចំពោះមុខច្បាប់ និងហាមឃាត់មិនឲ្យមានការរើសអើង
• ការទទួលស្គាល់អនុសញ្ញាអន្តរជាតិ ដែលទាក់ទងនឹងសិទ្ធិមនុស្ស នៅក្នុងរដ្ឋធម្មនុញ្ញ នៃព្រះរាជាណាចក្រកម្ពុជា
• បទបញ្ញត្តិ នៃក្រមព្រហ្មទណ្ឌ ដែលមានបទបញ្ញត្តិមួយចំនួនចែងទាក់ទងទៅនឹងការហាមឃាត់មិនឲ្យមានការរើសអើង
  -តួនាទីរបស់សភាក្នុងការរួមចំណែកការពារសិទ្ធិបុគ្គលគ្រប់រូប ដែលស្ថិតក្នុងស្ថានភាពងាយរងគ្រោះ និង
• ពង្រឹងកិច្ចសហប្រតិបត្តិជាមួយស្ថាប័នជាតិ និងអន្តរជាតិ។

ប្រភព៖ នាយកដ្ឋានទំនាក់ទំនងអន្តរជាតិ