នៅថ្ងៃចន្ទ ទី២០ ខែតុលា ឆ្នាំ២០២៥ ឯកឧត្តម ងី ច័ន្ទ្រផល ប្រធានគណៈកម្មការសិទ្ធិមនុស្ស ទទួលពាក្យបណ្តឹង និងឣង្កេតនៃព្រឹទ្ធសភា បានឣញ្ជើញចូលរួមកិច្ចប្រជុំគណៈកម្មាធិការឣចិន្រ្តៃយ៍ស្តីពីលទ្ធិប្រជាធិបតេយ្យ និងសិទ្ធិមនុស្ស នាឱកាសមហាសន្និបាតលើកទី១៥១ នៃសហភាពឣន្តរសភា (IPU) នៅទីក្រុងហ្សឺណែវ ប្រទេសស្វីស។ ក្នុងកិច្ចប្រជុំនេះ ឯកឧត្តមបានចូលរួមថ្លែងបទឣន្តរាគមន៍ លើសេចក្តីព្រាងសេចក្តីសម្រេចចិត្ត ស្តីពីការទទួលស្គាល់ និងគាំទ្រជនរងគ្រោះនៃការស្មុំកូនអន្តរជាតិដោយខុសច្បាប់ និងចាត់វិធានការទប់ស្កាត់ការប្រព្រឹត្តបែបនេះ។ ក្នុងបទអន្តរាគមន៍នេះ ឯកឧត្តមបានសម្តែងការគាំទ្រយ៉ាងពេញទំហឹងចំពោះសេចក្តីព្រាងសេចក្តីសម្រេចចិត្តនេះ ព្រមទាំងចាត់ទុកថាវាជាជំហានដ៏សំខាន់មួយដើម្បីដោះស្រាយអំពើអយុត្តិធម៌ក្នុងការស្មុំកូន និងគាំទ្រសិទ្ធិរបស់កុមារគ្រប់រូបក្នុងការរស់នៅក្នុងបរិយាកាសប្រកប ដោយសុវត្ថិភាពុ។ ឯកឧត្តម ក៏បានស្នើផងដែរថា ក្នុងការពង្រឹងការឆ្លើយតបរបស់យើងលើបញ្ហានេះ យើងត្រូវបញ្ចូលនូវវិធានការណ៍គន្លឹះមួយចំនួន រួមមាន៖ (១) ការពង្រឹងក្របខណ្ឌច្បាប់, (២) យុទ្ធនាការជំរុញការយ់ដឹងជាសាធារណៈ, (៣)ការគាំទ្រជនរងគ្រោះ, (៤) ការពង្រឹងកិច្ចសហប្រតិបត្តិការអន្តរជាតិ, និង(៥)ការពិនិត្យតាមដាន។ ជាចុងបញ្ចប់ ឯកឧត្តមបានអំពាវនាវឱ្យមានការរួបរួមគ្នា ដើម្បីលើកកម្ពស់នីតិរដ្ឋ និងការពារជនដែលងាយរងគ្រោះបំផុតក្នុងចំណោមយើងទាំងអស់គ្នា។
ប្រភព៖ អគ្គនាយកដ្ឋានពិធីការ និងទំនាក់ទំនងអន្តរជាតិ
