នារសៀលថ្ងៃពុធ ទី២២ ខែតុលា ឆ្នាំ២០២៥ នៅសណ្ឋាគារLaôtel ទីក្រុងវៀងចន្ទន៍ សាធារណរដ្ឋប្រជាធិបតេយ្យប្រជាមានិតឡាវ ឯកឧត្តម អ៊ុំ សារឹទ្ធ ប្រធានគណៈកម្មការទី៩ព្រឹទ្ធសភា និងលោកជំទាវ មុំ សណ្តាប់ សមាជិកាគណៈកម្មការទី៦ព្រឹទ្ធសភា បានបន្តអញ្ជើញចូលរួមសិក្ខាសាលា ស្តីពី ការចូលរួមរបស់ប្រជាពលរដ្ឋ និងសភាបើកចំហសម្រាប់អភិបាលកិច្ចប្រកបដោយបរិយាបន្ន និងឆ្លើយតប និងបានធ្វើបទអន្តរាគមន៍ស្តីពី សភាបើកចំហ និងឆ្លើយតប ដោយបានលើកអំពីបរិបទសភាទូទៅ គោលការណ៍សារវ័ន្តចំនួនបួន តម្លាភាព(Transparence) ការចូលរួម (Participation) សុចរិតភាព (Intégrité) និងការច្នៃប្រឌិត (innovation) តាមរយៈការអនុវត្តជាក់ស្តែងនូវផែនការសកម្មភាពសម្រាប់សភាកម្ពុជាបើកចំហពីឆ្នាំ២០២៤ ដល់ឆ្នាំ២០២៨។ផែនការនេះមានគោលបំណងពង្រឹងសភាប្រជាធិបតេយ្យ តាមរយៈការធ្វើទំនើបកម្ម ការបើកចំហ និងកិច្ចសហប្រតិបត្តិការអន្តរជាតិ ដែលជាស្ពានផ្តល់ទំនុកចិត្តរវាងសមាជិកសភា និងប្រជាពលរដ្ឋ។
ប្រភព៖ នាយកដ្ឋានកិច្ចការហ្វ្រង់កូហ្វូន
