ឯកឧត្តម ម៉ុម ជឹមហ៊ុយ ជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចុះជួបសំណេះសំណាល និងសួរសុខទុក្ខក្រុមប្រឹក្សាសង្កាត់ភ្លើងឆេះរទេះ
ថ្ងៃសុក្រ ១៣រោច ខែកត្តិក ឆ្នាំជូត ពុទ្ធសករាជ ២៥៦៤ ត្រូវនឹងថ្ងៃទី១៣ ខែវិច្ឆិកា ឆ្នាំ២០២០ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចុះជួបសំណេះសំណាល និងសួរសុខទុក្ខក្រុមប្រឹក្សាសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ដោយបានថ្លែងកោតសរសើរដល់អាជ្ញាធរមូលដ្ឋានក្នុងការយកចិត្តទុកដាក់ខ្ពស់ និងទាន់ពេលវេលាដោះស្រាយការលំបាកជូនបងប្អូនប្រជាពលរដ្ឋដែលរងគ្រោះដោយជំនន់ទឹកភ្លៀងនាពេលកន្លងមក ជាពិសេសត្រូវធ្វើអនាម័យជាប្រចាំ ស្របតាមការណែនាំរបស់ក្រសួងសុខាភិបាល ដើម្បីរួមគ្នាប្រយុទ្ធប្រឆាំងនឹងជំងឺកូវីដ-១៩។ ក្នុងឱកាសនោះ ឯកឧត្តមបានឧបត្ថម្ភនូវអង្ករចំនួន ១,៥០០គីឡូក្រាម ជូនដល់សង្កាត់ចំនួនបី ក្នុងខណ្ឌកំបូលរួមមាន សង្កាត់ភ្លើងឆេះរទេះ សង្កាត់ប្រទះឡាង និងសង្កាត់បឹងធំ ព្រមទាំងថវិកាមួយចំនួនផងដែរ៕
