ឯកឧត្តម អ៊ុំ សារឹទ្ធ អញ្ជើញដឹកនាំកិច្ចប្រជុំពិនិត្យ និងពិភាក្សាទៅលើសេចក្តីសម្រេច ស្តីពីការកំណត់តួនាទី ភារកិច្ច និងរចនាសម្ព័ន្ធរបស់អង្គភាពកិច្ចការសុខភាព និងសង្គមកិច្ចនៃព្រឹទ្ធសភា
នាព្រឹកថ្ងៃទី០៩ ខែកុម្ភៈ ឆ្នាំ២០២១ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំដើម្បីពិនិត្យ និងពិភាក្សាទៅលើសេចក្តីសម្រេច ស្តីពីការកំណត់តួនាទី ភារកិច្ច និងរចនាសម្ព័ន្ធរបស់អង្គភាពកិច្ចការសុខភាព និងសង្គមកិច្ចនៃព្រឹទ្ធសភា ដោយមានការចូលរួមពីថ្នាក់ដឹកនាំអគ្គនាយកទាំង៥ និងអគ្គាធិការដ្ឋានចំណុះឲ្យអគ្គលេខាធិការដ្ឋានព្រឹទ្ធសភា នៅសាលប្រជុំពិសេសខាងក្រោមវិមានព្រឹទ្ធសភា។
