នៅថ្ងៃទី២៥ ខែវិច្ឆិកា ឆ្នាំ២០២៥ លោកជំទាវ មុំ សណ្ដាប់ សមាជិកាគណៈកម្មការនីតិកម្ម និងយុត្តិធម៌នៃព្រឹទ្ធសភា និងជាសមាជិកាក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញជួបសំណេះសំណាលជាមួយប្រធានភូមិ អនុប្រធានភូមិ សមាជិកភូមិ សរុបចំនួន១៤រូប ក្នុងសង្កាត់ផ្សារដើមថ្កូវ និងបាននាំយកអំណោយរបស់ឯកឧត្តមបណ្ឌិត ធន់ វឌ្ឍនា អនុប្រធានទី២ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី១ ចែកជូនដូចជា៖
-សាលាសង្កាត់ ទទួលបាន ម៉្សៅទឹកដោះគោចំនួន១កំប៉ុងធំ ជែលបញ្ចុះកម្តៅចំនួន២ប្រអប់ និងស្ពាយលាបខ្លួនកូនក្មេងចំនួន១ប្រអប់
-ភូមិចំនួន៥ ក្នុង១ភូមិទទួលបាន អាវរងាចំនួន២អាវ ម៉្សៅទឹកដោះគោចំនួន១កំប៉ុងធំ ជែលបញ្ចុះកម្តៅចំនួន៤កញ្ចប់ និងស្ពាយលាបខ្លួនកូនក្មេងចំនួន៤ដប។
ក្នុងឱកាសនោះ លោកជំទាវបានផ្ដាំផ្ញើដល់ប្រធានភូមិ អនុប្រធានភូមិ សមាជិកភូមិ ត្រូវសហការរួមគ្នា និងជូនពរដល់សមាជិក សមាជិកាចូលរួមទាំងអស់ឱ្យថែរក្សាសុខភាព ដើម្បីត្រៀមខ្លួនសម្រាប់ការងារបោះឆ្នោតឆ្នាំ២០២៧-២០២៨ខាងមុខ ព្រមទាំងបានឧបត្ថម្ភថវិកាក្នុងម្នាក់ៗចំនួន២ម៉ឺនរៀលផងដែរ។
ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
