នារសៀលថ្ងៃទី៧ ខែធ្នូ ឆ្នាំ២០២៥ លោកជំទាវ ឃួន ឃុនឌី អនុប្រធានក្រុមសមាជិកព្រឹទ្ធសភាប្រចាំភូមិភាគទី៨ តំណាងឯកឧត្តមបណ្ឌិត នាង ផាត ប្រធានក្រុមសមាជិកព្រឹទ្ធសភាប្រចាំភូមិភាគទី៨ រួមដំណើរដោយ លោកជំទាវអ្នកតំណាងរាស្រ្តមណ្ឌលខេត្តកំពង់ធំ លោកជំទាវសមាជិកក្រុមប្រឹក្សាខេត្ត លោកអភិបាលរងស្រុក លោកមេឃុំ សមាជិកក្រុមប្រឹក្សាឃុំ បានអញ្ជើញគោរពវិញ្ញាណក្ខន្ធ និងនាំយកសាររំលែកទុក្ខរបស់ឯកឧត្តមបណ្ឌិត នាង ផាត ប្រធានក្រុមសមាជិកព្រឹទ្ធសភាប្រចាំភូមិភាគទី៨ ព្រមទាំងថវិកាមួយចំនួន ដើម្បីចូលរួមជាមួយគ្រួសារ នៃសពលោក សឿ ម៉ុម សមាជិកក្រុមប្រឹក្សាឃុំចើងដើង ដែលបានទទួលមរណភាពកាលពី ថ្ងៃទី៣ ខែធ្នូ ឆ្នាំ២០២៥ វេលាម៉ោង ១១ៈ០០នាទី ក្នុងជន្មាយុ ៦៦ឆ្នាំ ដោយសារគ្រោះថ្នាក់ចរាចរណ៍ ស្ថិតនៅភូមិពងទឹក ឃុំចើងដើង ស្រុកបារាយណ៍ ខេត្តកំពង់ធំ។ ក្នុងនោះដែរលោកជំទាវក៏បានឧទ្ទិសដល់ដួងវិញ្ញាណក្ខន្ធសពលោក សឿ ម៉ុម បានទៅកាន់សុគតិភពកុំបីឃ្លៀងឃ្លាតឡើយ។ ឆ្លៀតក្នុងឱកាសនោះដែរកូនប្រុសនៃសពបានថ្លែងអំណអរគុណដល់លោកជំទាវ និងក្រុមកាងារដែលបាននាំយកថវិកា និងផ្ដល់ភាពកក់ក្ដៅសម្រាប់ក្រុមគ្រួសារគាត់ផងដែរ។

ប្រភព៖ ការិយាល័យ​អមក្រុមសមាជិកព្រឹទ្ធសភាប្រចាំភូមិភាគទី៨