នាថ្ងៃពុធ ៥រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែធ្នូ ឆ្នាំ២០២៥ ឯកឧត្តម ងី ច័ន្ទ្រផល ប្រធានគណៈកម្មការទី១ព្រឹទ្ធសភា រួមជាមួយមន្ត្រីការិយាល័យជំនួយការគណៈកម្មការទី១ និងមន្ត្រីអគ្គលេខាធិការដ្ឋានព្រឹទ្ធសភា បានអញ្ជើញចូលរួមក្នុងពិធីអបអរអសារទរខួបលើកទី៧៧ ទិវាសិទ្ធិមនុស្សអន្តរជាតិ ១០ធ្នូ ក្រោមប្រធានបទ «ការថែរក្សាសន្តិភាព និងការគោរពសិទ្ធិមនុស្ស» ដែលប្រព្រឹត្តទៅនៅសាលសន្និសីទចតុមុខ។កម្មវិធីនេះបានប្រព្រឹត្តទៅក្រោមអធិបតីភាព ឯកឧត្តម កែវ រ៉េមី ទេសរដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា។ គោលបំណងនៃការប្រារព្ធពិធីអបអរសាទរនេះ គឺដើម្បីចូលរួមជាមួយអង្គការសហប្រជាជាតិ និងរដ្ឋជាសមាជិកទាំងអស់ ក្នុងស្មារតីនៃការលើកកម្ពស់ការគោរពសិទ្ធិមនុស្សជាសកល ហើយជាការបង្ហាញនូវការខិតខំប្រឹងប្រែង និងសមិទ្ធផលជាច្រើនរបស់រាជរដ្ឋាភិបាលកម្ពុជា ក្នុងការពារ និងលើកកម្ពស់សិទ្ធិ និងសេរីភាពជាមូលដ្ឋានព្រមទាំងសិទ្ធិដ៏ទៃទៀតរបស់មនុស្សនៅកម្ពុជា។
ប្រភព៖ ការិយាល័យជំនួយការគណៈកម្មការទី១ព្រឹទ្ធសភាសម្រួលខ្លឹមសារ៖ នាយកដ្ឋានព័ត៌មាន
