នាព្រឹកថ្ងៃពុធ ៣កើត ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២១ ខែមករា ឆ្នាំ២០២៦ គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) បានរៀបចំកិច្ចប្រជុំផ្ទៃក្នុងដើម្បីបោះឆ្នោតជ្រើសរើសប្រធានគណៈកម្មការទី៥ព្រឹទ្ធសភា នៅសាលប្រជុំគណៈកម្មការទី៥ព្រឹទ្ធសភា។
តាមរយៈលទ្ធផលនៃការបោះឆ្នោតផ្ទៃក្នុងគណៈកម្មការទី៥ព្រឹទ្ធសភា ឯកឧត្តមបណ្ឌិត ឈីវ យីស៊ាង ត្រូវបានជាប់ឆ្នោតជាប្រធានគណៈកម្មការទី៥ព្រឹទ្ធសភា ជំនួសឯកឧត្តមបណ្ឌិត ចែម វីឌ្យ៉ា ដែលត្រូវទៅកាន់មុខតំណែងថ្មី។
សូមជម្រាបថា គណៈកម្មការទី៥ព្រឹទ្ធសភា មានសមាសភាពដូចជា៖
១.ឯកឧត្តមបណ្ឌិត ឈីវ យីស៊ាង ប្រធាន
២.ឯកឧត្តម ង៉ាន់ ចំរើន អនុប្រធាន
៣.ឯកឧត្តម ឆាយ វណ្ណា លេខាធិការ
៤.ឯកឧត្តម សាយ បូរិន សមាជិក
៥.ឯកឧត្តម ង៉ែត ចដ្តាវី សមាជិក៕
ប្រភព៖ នាយកដ្ឋានព័ត៌មាន
