គណៈកម្មការផែនការ វិនិយោគ កសិកម្ម រុក្ខាប្រមាញ់នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃព្រឹទ្ធសភា (គណៈកម្មការទី៣) បានរៀបចំកិច្ចប្រជុំក្រោមអធិបតីភាពឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា ដើម្បីពិនិត្យពិភាក្សាលើរបៀបវារៈចំនួន៣ រួមមាន៖
១-បូកសរុបលទ្ធផលសកម្មភាពប្រចាំខែមករា និងទិសដៅការងារខែកុម្ភ: ឆ្នាំ២០២៦។
២ -ពិនិត្យ ពិភាក្សាត្រៀមលក្ខណៈជួបពិភាក្សាការងារជាមួយឯកឧត្តមរដ្ឋមន្ត្រីក្រសួងបរិស្ថាន, ឯកឧត្តមរដ្ឋមន្ត្រីក្រសួងអភិវឌ្ឍន៍ជនបទ និងឯកឧត្តមរដ្ឋមន្ត្រីក្រសួងផែនការ ក្នុងគោលបំណងឈ្វេងយល់ពីវឌ្ឍនភាពការងារ បញ្ហាប្រឈមប្រចាំឆ្នាំ២០២៥ និងទិសដៅការងាររបស់ក្រសួងប្រចាំឆ្នាំ២០២៦ នាពេលខាងមុខនេះ។
៣-បញ្ហាផ្សេងៗ។

កិច្ចប្រជុំខាងលើនេះ ប្រព្រឹត្តទៅនៅសាលប្រជុំពិសេស៣ព្រឹទ្ធសភា នាព្រឹកថ្ងៃពុធ ២រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៤ ខែកុម្ភៈ ឆ្នាំ២០២៦។

ប្រភព៖ នាយកដ្ឋានព័ត៌មាន