ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញនាំយកនូវទេយ្យទាន និងបច្ច័យមួយចំនួនប្រគេនដល់ព្រះសង្ឃ
នាព្រឹកថ្ងៃ ព្រហស្បតិ៍ ទី៨ ខែមេសា ឆ្នាំ២០២១ វេលាម៉ោង៧:00នាទី ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញនាំយកនូវទេយ្យទាន និងបច្ច័យមួយចំនួន ប្រគេនដល់ព្រះសង្ឃដែលគង់នៅវត្តរកាកណ្តាល ស្ថិតនៅសង្កាត់រកាកណ្តាល ក្រុងក្រចេះ ខេត្តក្រចេះ ក្នុងឱកាសបុណ្យចូលឆ្នាំប្រពៃណីជាតិខ្មែរ នាពេលខាងមុខ ។ ឯកឧត្តម បាននិមន្តព្រះសង្ឃចំនួន៤អង្គ រៀបចំពិធីសង្ឃទាន ឧទ្ទិសកុសលផលបុណ្យជូនលោកអាចារ្យ ហ៊ុល ឌួង (ហៅ នួន ឌួង) សិស្សជំនិតរបស់លោកអាចារ្យ ហែម ចៀវ ជាវីរៈបុរសខ្មែរដ៏ល្បីល្បាញ ដែលប្រជាជនខ្មែរគោរពស្រលាញ់ និងទទួលស្គាល់នូវវីរៈភាពដ៏អង់អាចខ្លាហានរបស់លោកប្រឆាំងនឹងបារាំងកុំឲ្យលុបបំបាត់អក្សរសាស្ត្រខ្មែរ។
