នាយប់ថ្ងៃទី២៣ ខែតុលា គណៈប្រតិភូសភាកម្ពុជាដឹកនាំដោយឯកឧត្តម យ៉ង់ សែម ប្រធានគណៈកម្មការទី១ព្រឹទ្ធសភា បានអញ្ជើញចូលរួមពិធីបើកផ្លូវការនៃមហាសន្និបាតសហភាពអន្តរសភាលើកទី១៤៧ (IPU147) ក្រោមអធិបតីភាព ឯកឧត្តម Joāo Manuel Gonçclves Lourenço ប្រធានាធិបតី នៃសាធារណរដ្ឋ Angola ។ ក្នុងឱកាសនោះក៏មានការថ្លែងសុន្ទរកថាដោយ លោកជំទាវ Carolina Cerqueira ប្រធានរដ្ឋសភានៃសាធារណរដ្ឋ Angola ឯកឧត្តម Duarte Pacheco ប្រធានសហភាពអន្តរសភា (IPU) ឯកឧត្តម Martin Chungong អគ្គលេខាធិការ IPU និង ឯកឧត្តម Parfait Onanga-Anyanga តំណាងជាន់ខ្ពស់របស់អគ្គលេខាធិការអង្គការសហប្រជាជាតិ។ ពិធីបើកផ្លូវការនៃមហសន្និបាត IPU លើកទី១៤៧ នៅប្រទេស Angola មានការចូលរួមពីថ្នាក់ដឹកនាំសភា គណៈប្រតិភូនៃសភាជាសមាជិកសហភាពអន្តរសភា (IPU) ភ្ញៀវជាតិ និងអន្តរជាតិជាច្រើនរូប។

នៅរសៀលថ្ងៃដដែល គណៈប្រតិភូសភាកម្ពុជា បានអញ្ជើញចូលរួមកិច្ចប្រជុំក្រុមសម្របសម្រួលនៃសភាតំបន់អាស៊ី (APA) ដែលជាកិច្ចប្រជុំ sideline នៃមហាសន្និបាត។

ប្រភព៖ នាយកដ្ឋានទំនាក់ទំនងអន្តរជាតិ
សម្រួលខ្លឹមសារ៖ នាយកដ្ឋានព័ត៌មាន