khmer eng
  • ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមដាក់កម្រងផ្កា និងគោរពវិញ្ញាណក្ខន្ធសព ឯកឧត្តម ជឹម លន់ សមាជិកក្រុមប្រឹក្សាខេត្តមណ្ឌលគិរី ដែលបានទទួលមរណភាព
     
    ចែករំលែក ៖

    នាព្រឹកថ្ងៃទី០៨ ខែវិច្ឆិកា ឆ្នាំ២០២០ ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមដាក់កម្រងផ្កា និងគោរពវិញ្ញាណក្ខន្ធសព ឯកឧត្តម ជឹម លន់ សមាជិកក្រុមប្រឹក្សាខេត្តមណ្ឌលគិរី ដែលបានទទួលមរណភាព កាលពីវេលាម៉ោង០៧ និង៣០នាទីព្រឹក ថ្ងៃសុក្រ ៦រោច ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០៦ ខែវិច្ឆិកា ឆ្នាំ២០២០ ក្នុងជន្មាយុ ៨៣ឆ្នាំ ដោយរោគាពាធ នៅក្នុងមន្ទីរពេទ្យមិត្តភាពខ្មែរ-សូវៀត រាជធានីភ្នំពេញ ។ សពរបស់ឯកឧត្តម ជឹម លន់ ត្រូវបានតម្កល់ និងធ្វើបុណ្យទក្ខិណានុប្បទានតាមប្រពៃណី សាសនា នៅគេហដ្ឋានលោកជំទាវ សេង ខេម ស្ថិតនៅភូមិដោះក្រមុំ សង្កាត់សុខដុម ក្រុងសែនមនោរម្យ ខេត្តមណ្ឌលគិរី។ ក្នុងការចូលរួមដាក់កម្រងផ្កា និងគោរពវិញ្ញាណក្ខន្ធសព ឯកឧត្តម ជឹម លន់ នោះផងដែរ ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ ក៏បាននាំយកថវិកាចំនួន ១,០០០,០០០រៀល ចូលក្នុងពិធីបុណ្យសព  ព្រមទាំងបានចូលរួមរំលែកមរណទុក្ខដ៏មហាក្រៀមក្រំប្រកបដោយក្តីសង្វេត សោកស្តាយ ស្រណោះអាឡោះអាល័យ ជាមួយក្រុមគ្រួសារសព ។  ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ ក៏បានសូមបួងសួងសូមឲ្យវិញ្ញាណក្ខន្ធ ឯកឧត្តម ជឹម លន់ សមាជិកក្រុមប្រឹក្សាខេត្ត សូមបានទៅចាប់បដិសន្ធិនៅទីឋានបរមសុខ កុំបីឃ្លៀងឃ្លាតឡើយ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ឈើយ ចាន់ណា បានអញ្ជើញដាំកូនឈើ និងចែកជូនកូនឈើដល់សាលារៀនមួយចំនួនក្នុងស្រុកស្វាយចេក ខេត្តបន្ទាយមានជ័យ
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំរបស់គណៈកម្មការទី២ ព្រឹទ្ធសភា
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ចុះពិនិត្យស្រះទឹក និងដាំកូនឈើប្រណិត នៅស្រុកកំពង់ត្រាច ខេត្តកំពត
    thumbnail
     
    ឯកឧត្តម ស្លេះពុនយ៉ាមុីន សមាជិកព្រឹទ្ធសភា ប្រចាំភូមិភាគ២ បានចុះសួរសុខទុក្ខនិងសំណេះសំណាលជាមួយលោកគ្រូ អ្នកគ្រូខ្មែរឥស្លាមនៃអនុវិទ្យាល័យ សម្តេចតេជោ ហ៊ុនសែន
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំក្រុមគ្រូពេទ្យស្ម័គ្រចិត្ត នៃសមាគមបេសកកម្មមនុស្សធម៌ នៅកម្ពុជា ចុះពិនិត្យព្យាបាលជំងឺ ជូនប្រជាពលរដ្ឋ នៅស្រុកកំពង់ត្រាច ខេត្តកំពត