khmer eng
  • ឯកឧត្តម អ៊ុំ សារឹទ្ធ អគ្គលេខាធិការដ្ឋានព្រឹទ្ធសភាប្រជុំបូកសរុបលទ្ធផលការងារប្រចាំខែមេសា និងកំណត់ទិសដៅការងារខែឧសភា ឆ្នាំ២០២០
     
    ចែករំលែក ៖

    នាព្រឹកថ្ងៃទី៣០ ខែមេសា ឆ្នាំ២០២០ អគ្គលេខាធិការដ្ឋានព្រឹទ្ធសភា បានរៀបចំកិច្ចប្រជុំបូកសរុបលទ្ធផលការងាររបស់អគ្គលេខាធិការដ្ឋានព្រឹទ្ធសភាប្រចាំខែមេសា និងកំណត់ទិសដៅការងារខែឧសភា ឆ្នាំ២០២០ ក្រោមអធិបតីភាព ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា តាមរយៈVideo Conference ដោយមានការអញ្ជើញចូលរួមពីថ្នាក់ដឹកនាំអង្គភាពចំណុះអគ្គលេខាធិការដ្ឋានព្រឹទ្ធសភា ចាប់ពីប្រធាននាយកដ្ឋានឡើង។កិច្ចប្រជុំបូកសរុបលទ្ធផលការងារប្រចាំខែមេសានេះ ក៏មានការឡើងធ្វើសេចក្តីរាយការណ៍របស់អគ្គនាយក នៃអគ្គនាយកដ្ឋានទាំង៣ និងអគ្គាធិការដ្ឋានផងដែរ។ក្នុងឱកាសនោះដែរ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានជម្រាបជូនអង្គប្រជុំអំពីសភាពការណ៍អន្តរជាតិ តំបន់ និងសភាពការណ៍ជាតិ ព្រមទាំងធ្វើការបូកសរុបលទ្ធផលការងាររបស់អគ្គលេខាធិការដ្ឋានព្រឹទ្ធសភាដោយកត់សម្គាល់ឃើញថា ខែមេសានេះ អគ្គលេខាធិការដ្ឋានព្រឹទ្ធសភាបានបន្តការយកចិត្តទុកដាក់ និងផ្សព្វផ្សាយជូនមន្ត្រីរាជការអំពីការទប់ស្កាត់ នឹងជំងឺរលាកផ្លូវដង្ហើមធ្ងន់ធ្ងរ ដោយអនុវត្តតាមវិធានការសំខាន់ៗ ចំនួន៣ចំណុច គឺវិធានការអប់រំ អនាម័យ វិធានការរដ្ឋបាល និងវិធានការប្រើប្រាស់បច្ចេកវិទ្យាព័ត៌មាន ដើម្បីធានានិរន្តភាពការងារស្របតាមស្ថានភាព និងតម្រូវការចាំបាច់របស់ស្ថាប័ន និងប្រទេស  ជាតិ។ ស្របពេលជាមួយគ្នានេះ ​អគ្គលេខាធិការដ្ឋានក៏មានការងារមមាញឹកជាច្រើនលើមុខងារនីតិកម្ម ដោយបានរៀបចំ និងចាត់ចែងការប្រជុំគណៈកម្មាធិ​ការអចិន្ត្រៃយ៍ចំនួន០៤លើក ប្រជុំព្រឹទ្ធសភាជា វិសា​​មញ្ញចំនួន០២លើក  និងបើកសម័យប្រជុំព្រឹទ្ធសភាចំនួន​០១លើក បានយ៉ាងល្អប្រសើរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ម៉ាន់ ឈឿន អនុប្រធានគណៈកម្មការទី៧ បានបន្តអញ្ជើញចូលរួមសិក្ខាសាលាសមាជិកសភា ស្តីពី “អភិបាលកិច្ចតាមប្រព័ន្ធឌីជីថល និងការគ្រប់គ្រងប្រព័ន្ធអ៊ីនធឺណែត”
    thumbnail
     
    ឯកឧត្តម សុខ ឥសាន្ត ឯកឧត្តម ឈួន ឡេង ឯកឧត្តម ទឹម ផន និងលោកជំទាវ ទេព សំអូន អញ្ជើញពិធីបើកការដ្ឋានលើកកម្រិតជួសជុលនិងថែទាំផ្លូវខេត្តលេខ៣១២ ប្រវែងសរុប ២៨,៣៧២គ.ម
    thumbnail
     
    ឯកឧត្តម ម៉ាន់ ឈឿន អនុប្រធានគណៈកម្មការទី៧ នៃព្រឹទ្ធសភា បានអញ្ជើញចូលរួមពិសារអាហារសាមគ្គី ជាមួយ ឯកឧត្តម Sanya Praseut ជាប្រធានគណៈកម្មការកិច្ចការបរទេសនៃរដ្ឋសភាឡាវ
    thumbnail
     
    ថ្នាក់ដឹកនាំ គ្រប់គ្រងអគ្គលេខាធិការដ្ឋានព្រឹទ្ធសភា អញ្ជើញស្តាប់បាឋកថាស្តីពីភាពជាអ្នកដឹកនាំ នវានុវត្តន៍ និងគុណាធិបតេយ្យក្នុងរដ្ឋបាលសាធារណៈ
    thumbnail
     
    ឯកឧត្តម ប្រាក់ ចំរើន ជួបសំណេះសំណាល់ជាមួយក្រុមប្រឹក្សាឃុំដំណាក់អំពិល