នាថ្ងៃអាទិត្យ ៧កើត ខែបុស្ស ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែមករា ឆ្នាំ២០២៥ នៅមណ្ឌលប្រឡងយកវិញ្ញាបនប័ត្រធម្មវិន័យ ថ្នាក់ត្រី ទោ ឯក នៅមណ្ឌលវត្តសំរោងអណ្តែត នៃវិទ្យាល័យសម្ដេច ហ៊ុន សែន ភ្នំពេញថ្មី បានបើកការប្រឡងទៅតាមពេលវេលាកំណត់ ក្រោមព្រះអធិបតីភាព និងអធិបតីភាព ៖
១. សម្ដេចព្រះពុទ្ធជ័យមុនី បណ្ឌិត ឃឹម សន ព្រះមេគណរាជធានីភ្នំពេញ
២. សម្ដេចព្រះសាក្យមុនី កិត្តិបណ្ឌិត រ័ត្ន សារឿន ព្រះអនុគណខណ្ឌសែនសុខ
៣. សម្ដេចព្រះមង្គលមុនីរង្សី ហ៊ូ ឈីវនាថ ព្រះបាឡាត់គណរាជធានីភ្នំពេញ
៤. ឯកឧត្តម ម៉ាន់ ឈឿន អនុប្រធានគណៈកម្មការទី៧ នៃព្រឹទ្ធសភា
៥. លោកជំទាវ ទូច សារ៉ុម រដ្ឋលេខាធិការ ក្រសួងធម្មការនិងសាសនា និងជាប្រធានក្រុមការងារពង្រឹងសាសនារាជធានីភ្នំពេញ
៦. ឯកឧត្តម ឈួរ សុបញ្ញា នាយកខុទ្ទកាល័យ ឯកឧត្តមរដ្ឋមន្រ្តី ក្រសួងធម្មការនិងសាសនា និងជាក្រុមការងារពង្រឹងសាសនារាជធានីភ្នំពេញ
៧. លោកជំទាវ តិមា វិច្ឆិកាល អភិបាលរង នៃគណៈអភិបាលរាជធានីភ្នំពេញ។ ដោយមានសមណសិស្ស សិស្ស ចូលរួមប្រឡងនៅមណ្ឌលវត្តសំរោងអណ្តែត នៃវិទ្យាល័យ សម្ដេច ហ៊ុន សែន ភ្នំពេញ ចំនួន ១ ០៩៣ អង្គ/នាក់។
ជាមួយនេះ ក៏មានអាជ្ញាធរមូលដ្ឋានតាមឋានានុក្រមចូលរួមផងដែរ។ ក្នុងពេលនោះគណៈអធិបតី ទាំងព្រះសង្ឃ ទាំងគ្រហស្ថ សុទ្ធតែបានលើកឡើងនូវការផ្ដាំផ្ញើចំពោះសមណសិស្ស សិស្សទាំងអស់ ក្នុងការប្រឡងប្រកបដោយជោគជ័យ ធ្វើយ៉ាងណាសម្រេចលទ្ធផលជារួម នាំមកនូវគុណភាព “ចេះគឺជាប់” ស្របទៅតាមគោលនយោបាយរបស់រាជរដ្ឋាភិបាលយើងផងដែរ៕
