នាព្រឹកថ្ងៃទី៥ ខែមីនា ឆ្នាំ២០២៥ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា និងជាអនុប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីក្នុងពិធីអបអរសាទរទិវាអន្តរជាតិនារី ៨មីនា ខួបលើកទី១១៤ ឆ្នាំ២០២៥ ក្រោមប្រធានបទ “សិទ្ធ សមភាព និងភាពអង់អាចចំពោះស្ត្រី និងក្មេងស្រីគ្រប់រូប” នៅសាលសន្និសីទបូកគោ ខេត្តកំពត ដោយមានការចូលរួមពីសមាជិកាព្រឹទ្ធសភា ថ្នាក់ដឹកនាំខេត្ត មន្ទីរជំនាញជុំវិញខេត្ត និងមន្ត្រីរាជការជានារី សរុបប្រមាណ ៦០០នាក់។
ក្នុងពិធីនេះផងដែរ ក៏មានការផ្តល់ជូនអ្នកចូលរួមទាំងអស់រួមមាន ៖ សារ៉ុង១ និងថវិកាចំនួន ៥ម៉ឺនរៀល ដែលជាការឧបត្ថម្ភពី ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត និងលោកជំទាវ ហ៊ុន ចាន់ធី។
