នាព្រឹកថ្ងៃទី៧ ខែមីនា ឆ្នាំ២០២៥ ឯកឧត្តម គិន ណែត លេខាធិការក្រុមសមាជិកព្រឹទ្ធសភាប្រចាំភូមភាគទី៥ និងលោកជំទាវ ឌុក ស៊ីនិត អញ្ជើញជាអធិបតីភាពក្នុងពិធីអបអរសាទរខួបលេីកទី១១៤ ទិវានារីអន្តរជាតិ ៨មីនា ឆ្នាំ២០២៥ ក្រោមប្រធានបទ “សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប” នៅសាលាឃុំក្រពុំឈូក ស្រុកកោះអណ្តែត ខេត្តតាកែវ ។ ក្នុងពិធីនេះដែរមានសមាសភាពអញ្ជើញចូលរួមពី ក្រុមការងារស្រុកចុះមូលដ្ឋានឃុំ សមាជិកក្រុ្រមប្រឹក្សាស្រុកជាស្ត្រី សមាជិកក្រុមប្រឹក្សាឃុំជាស្ត្រី នាយប៉ុស្តិ៍នគរបាលរដ្ឋបាលឃុំ សមាជិកភូមិជាស្ត្រីទាំង១៣ភូមិ អ្នកគ្រូសាលាបឋមសិក្សាក្នុងឃុំ អ្នកគ្រូវិទ្យាល័យក្រពុំឈូក អ្នកគ្រូពេទ្យមណ្ឌលសុខភាពក្រពុំឈូក សរុបប្រមាណ១០១នាក់។ ក្នុងនោះ ឯកឧត្តម និងលោកជំទាវ បានជូនកាដូអនុស្សាវរីយ៍ដល់សមាជិក ក្នុង១នាក់ទទួលបាន សារុង១ ក្រម៉ា១ ថវិកា ១០,០០០៛។ ឆ្លៀតក្នុងឱកាសនោះដែរ ឯកឧត្តម បានចុះសួរសុខទុក្ខប្រជាពលរដ្ឋទីទ័លក្រ ចំនួន៨គ្រួសារ ក្នុង១គ្រួសារ ទទួលបាន គ្រឿងឧបភោគ បរិភោគ១ឃីត និងថវិកាចំនួន ២០.០០០៛ផងដែរ។
ប្រភព : ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៥
