នាល្ងាចថ្ងៃចន្ទ ទី១៦ ខែមិថុនា ឆ្នាំ២០២៥ គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) បានរៀបចំកិច្ចប្រជុំផ្ទៃក្នុងគណៈកម្មការទី៨ព្រឹទ្ធសភា ក្រោមអធិបតីភាពលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា ដើម្បីបោះឆ្នោតជ្រើសរើសលេខាធិការគណៈកម្មការទី៨ព្រឹទ្ធសភា នៅបន្ទប់ប្រជុំគណៈកម្មការទី៨ព្រឹទ្ធសភា។
តាមរយៈលទ្ធផលនៃការបោះឆ្នោតផ្ទៃក្នុងគណៈកម្មការទី៨ព្រឹទ្ធសភា លោកជំទាវ ឃួន ឃុនឌី ត្រូវបានជាប់ឆ្នោតជាលេខាធិការគណៈកម្មការទី៨ព្រឹទ្ធសភា ជំនួសឯកឧត្តម ទេព យុទ្ធី ដែលបានទទួលមរណភាព។
សូមជម្រាបថា សមាសភាពគណៈកម្មការទី៨ព្រឹទ្ធសភា រួមមាន៖
១.លោកជំទាវ មាន សំអាន ប្រធាន
២.ឯកឧត្តម ប្រាក់ ចំរើន អនុប្រធាន
៣.លោកជំទាវ ឃួន ឃុនឌី លេខាធិការ
៤.ឯកឧត្តម ហេង ហាលីម សមាជិក
៥.ឯកឧត្តម អ៊ុន វណ្ណា សមាជិក៕
ប្រភព៖ នាយកដ្ឋានព័ត៌មាន
