នាព្រឹកថ្ងៃអាទិត្យ ទី១៤ ខែកញ្ញា ឆ្នាំ២០២៥ ឯកឧត្ដម អន ស៊ុ សមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញអមដំណើរ ឯកឧត្ដម កែ គឹមយ៉ាន អ្នកតំណាងរាស្រ្តមណ្ឌលខេត្តបន្ទាយមានជ័យ និងជាឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងលោកជំទាវ ក្នុងពិធីកាន់បិណ្ឌវេនទី៧ និងជួបសួរសុខទុក្ខ ចែកអំណោយដល់បងប្អូនប្រជាពលរដ្ឋ ២៥គ្រួសារ ដែលត្រូវបានទាហានសៀមព័ទ្ធលួសបន្លាយកផ្ទះ និងដី និងបងប្អូនប្រជាពលរដ្ឋនៅតំបន់ជាប់បណ្ដោយព្រំដែនជួបការលំបាក ចំនួន១៦០គ្រួសារ។ ក្នុងពិធីនេះ ក៏មានការចូលរួមអមដំណើរផងដែរពីឯកឧត្ដម លោកជំទាវ អ្នកតំណាងរាស្រ្តមណ្ឌលខេត្តបន្ទាយមានជ័យ ឯកឧត្ដម ប្លែក វារី ប្រធានក្រុមប្រឹក្សាខេត្ត និងសមាជិកក្រុមប្រឹក្សាខេត្តគណៈអភិបាលខេត្ត ក្រុមប្រឹក្សាស្រុក ក្រុមការងារថ្នាក់ជាតិចុះជួយមូលដ្ឋានខេត្ត គណៈអភិបាលស្រុក ក្រុមប្រឹក្សាឃុំយ៉ាងច្រើនកុះករ ស្ថិតនៅវត្តកោះស្ដី (ហៅវត្តយាងដង្គំ) ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
