គណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) ដឹកនាំដោយឯកឧត្តមបណ្ឌិត ឈីវ យីស៊ាង ប្រធានគណៈកម្មការ បានអញ្ជើញប្រជុំផ្ទៃក្នុង ដើម្បីពិនិត្យពិភាក្សាលេីរបៀបវារ:សំខាន់ ៗ ចំនួន៣រួមមាន៖
១- បូកសរុបរបាយការណ៍សកម្មភាពការងារប្រចាំខែមីនា ប្រចាំត្រីមាសទី១ ឆ្នាំ២០២៦ និង ទិសដៅបន្ត
២-មតិយោបល់ និងរបាយការណ៍ជំនួបពិភាក្សាការងារជាមួយក្រសួងព័ត៌មាន និងចន្លោះ សម័យប្រជុំលើកទី៤ និងទី៥ ព្រឹទ្ធសភានីតិកាលទី៥
៣-ផ្សេងៗ
ឆ្លៀតក្នុងឱកាសនេះ ឯកឧត្តមបណ្ឌិតប្រធានបានណែនាំមន្រ្តីក្នុងលេខាធិការដ្ឋានគណៈកម្មការប្រើប្រាស់ថាមពល និងប្រេងឥន្ទនៈយកសន្សំសំចៃក្នុងការបំពេញកិច្ចការប្រចាំថ្ងៃ ក្នុងកាលៈទេសៈវិបត្តិថាមពលជាសកល។
កិច្ចប្រជុំខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី៥ព្រឹទ្ធសភា នាព្រឹកថ្ងៃសុក្រ ៩កេីត ខែចេត្រ ឆ្នាំម្សាញ់ សប្តស័ក ពុទ្ធសករាជ២៥៦៩ ត្រូវនឹងថ្ងៃទី២៧ ខែមីនា ឆ្នាំ២០២៦ វេលាម៉ោង៩:០០នាទី។
ខ្លឹមសារ៖ ការិយាល័យជំនួយការគណៈកម្មការទី៥ព្រឹទ្ធសភា
រូបភាព៖ នាយកដ្ឋានព័ត៌មាន
