នារសៀលថ្ងៃទី២៩ ខែមិថុនា ឆ្នាំ២០២៥ លោកជំទាវ ឃួន ឃុនឌី លេខាធិការគណៈកម្មការទី៨ព្រឹទ្ធសភា អនុប្រធានក្រុមសមាជិកព្រឹទ្ធសភាប្រចាំភូមិភាគទី៨ និងជាអនុប្រធានកិត្តិយស សាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ធំ បានអញ្ជើញចុះជួបសំណេះសំណាល និងចែកចង្ក្រានសន្សំសំចៃថាមពល និងសារុងជូនប្រជាពលរដ្ឋចំនួន៦៨៨គ្រួសារ មកពី១៥ភូមិ ក្នុងឃុំត្បែង ស្រុកកំពង់ស្វាយ ខេត្តកំពង់ធំ ដោយមានការ អញ្ជើញចូលរួមពីលោកអភិបាលស្រុក អនុសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ ថ្នាក់ស្រុក និងអាជ្ញាធរភូមិ ឃុំ ស្ថិតនៅសាលាឃុំត្បែង ស្រុកកំពង់ស្វាយ ខេត្តកំពង់ធំ។ សូមជម្រាបថា ចង្ក្រានសន្សំសំចៃថាមពលចំនួន៦៨៨គ្រឿង បានមកពីការឧបត្ថម្ភរបស់សមាគមនារីកម្ពុជាដើម្បីសន្តិភាព និងអភិវឌ្ឍន៍ថ្នាក់កណ្តាល និងសារុងចំនួន៦៨៨សារុង បានមកពីការឧបត្ថម្ភរបស់លោកជំទាវ ឃួន ឃុនឌី។
ប្រភព៖ ជំនួយការលោកជំទាវ ឃួន ឃុនឌី សម្រួលខ្លឹមសារ៖ នាយកដ្ឋានព័ត៌មាន
