ក្រុមសមាជិកព្រឹទ្ធសភាប្រចាំភូមិភាគទី៨ ប្រជុំត្រៀមជួបសំណេះសំណាលជាមួយក្រុមប្រឹក្សាឃុំ ស្រុកកំពង់ស្វាយ ខេត្តកំពង់ធំ
ក្រុមសមាជិកព្រឹទ្ធសភាប្រចាំភូមិភាគទី៨ នាល្ងាចថ្ងៃទី១០ ខែកុម្ភៈ ឆ្នាំ២០២២ បានរៀបចំកិច្ចប្រជុំក្រុម ដឹកនាំដោយឯកឧត្តម យ៉ង់ សែម ប្រធានក្រុមសមាជិកព្រឹទ្ធសភាប្រចាំភូមិភាគទី៨ និងជាប្រធានគណៈកម្មការទី១ព្រឹទ្ធសភា ដើម្បីពិនិត្យពិភាក្សាត្រៀមជួបសំណេះសំណាល និងសួរសុខទុក្ខសមាជិក សមាជិកាក្រុមប្រឹក្សាឃុំ ក្នុងស្រុកកំពង់ស្វាយ ខេត្តកំពង់ធំ នៅថ្ងៃទី១១ ខែកុម្ភៈ ឆ្នាំ២០២២ ខាងមុខនេះ និងពិនិត្យលើបញ្ហាផ្សេងៗ ព្រមទាំងមានការចូលរួមជាមតិយោបល់ពីឯកឧត្តម លោកជំទាវ សមាជិក សមាជិកាក្នុងអង្គប្រជុំ នៅសាលប្រជុំសណ្ឋាគារកំពង់ធំ រ៉ូយ៉ាល់ ស្ថិតនៅក្នុងក្រុងស្ទឹងសែន ខេត្តកំពង់ធំ៕
