ក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចុះជួបសំណេះសំណាលជាមួយក្រុមការងារប្រចាំការរបស់គណៈកម្មការសម្រាប់ត្រៀមបង្ការជាយថាហេតុនូវសភាពការណ៍សន្តិសុខព្រំដែន និង សណ្ឋាប់ធ្នាប់ផ្ទៃក្នុង
នៅរសៀលថ្ងៃទី១៨ ខែមិថុនា ឆ្នាំ ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៤ និងឯកឧត្ដម អន ស៊ុំ សមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចុះជួបសំណេះសំណាលជាមួយក្រុមការងារប្រចាំការរបស់គណៈកម្មការសម្រាប់ត្រៀមបង្ការជាយថាហេតុនូវសភាពការណ៍សន្តិសុខព្រំដែន និង សណ្ឋាប់ធ្នាប់ផ្ទៃក្នុង ។ ក្រោយពីបានទទួលនៅសេចក្ដីរាយការណ៍ពី លោក លឿង សុភក្តិ អភិបាលស្រុកស្វាយចេក និងជាប្រធានគណៈកម្មការពីសភាពការណ៍ទូទៅក្នុងភូមិសាស្រ្តស្រុកស្វាយចេក ជាមួយនេះ ឯកឧត្តម បានផ្ដល់នៅបទពិសោធន៍ និងគន្លឹះនៃការចាត់ចែងនៅពេលដែលមានបញ្ហាអាសន្នកើតឡើង ។ ឯកឧត្តមបានផ្ដល់ជូនថវិកាមួយចំនួនដល់គណៈកម្មការប្រចាំការផងដែរ ស្ថិតនៅ សាលាស្រុកស្វាយចេក ខេត្តបន្ទាយមានជ័យ ។
